تعليقات ساخره وغاضبه علي خطاب المشير طنطاوي اليوم 22/11/2011 من نشطاء وفنانين ومشاهير

**¬» الإنتسَاب** : 16/02/2011

كعادة اى حدث من بعد الثورة تنهال التعليقات الساخرة والمعارضة على الحدث على موقعى التواصل الأجتماعى الفيسبوك وتويتر
ولكن هذه المرة ومع سرعة الأحداث وجدنا أيضآ سرعة فى التعليقات الساخرة والغاضبة على خطاب المشير اليوم لتهدئة الأوضاع فى البلاد
اليكم بعض التعليقات من على موقعى التواصل الاجتماعى

-هانت ناقص خطابين وموقعة جمل وراجل واقف ورا الراجل

-”مبارك: كانت تايهة فين حكاية الاستفتاء ” .. ونص الاستفتاء: هل تؤيد من قتل أخوك وأبوك وأبنك ثم سحل جثته ورماها في الزبالة

-يا جماعة بكرة موقعة الجمل الجزء التاني .. وقولولي لما تحصل عشان فاتتني الأولى متنسوش بليز

- قولولي لما تحصل موقعة الجمل التانية عشان فاتتني الأولى متنسوش بليز

-المشير : لم نطلق رصاصة على صدر مصرى .. كنا بنشن على عيونهم بس

-طنطاوي : لم نطلق رصاصة على صدر اي مصري .. صح الأوامر كانت على الراس و خصوصا العين

- ” يبدو أن معدى خطابات المخلوع لسة موجودين “

- هو الراجل اللي كان بيكتب خطب مبارك لسه بيكتب لطنطاوي ولا ايه

-رسالتى مش لطنطاوى .. رسالتى لمخرج الخطاب .... يخرب بيت اللى مسكك كاميرا يا جدع .. ايه القرف ده

-طنطاوي قطع للشعب الخلف عشان ميجيبوش ثوار صغيرين و يستفرد هو بمصر

-لم اكن انتوى التزحزح عن الكرسى و لكنى اتزقيت غصبن عنى

-خطابين ودمعتين وجملين وجمعتين وهتشرف فى طرة يا كبير

- ” مبارك : لم أكن أنتوي الترشح لفترة آخرى .. وطنطاوي بعد تسع شهور: لم نطمع في اعتلاء الكرسي .. والشعب المصري: أرحل منك له “

-مش عارف : حاسس إن علي عبدالله صالح هو اللي بيتكلم خصوصاً موضوع الإستفتاء ده ”

- هو طنطاوي جه باستفتاء علشان يمشي باستفتاء ده جه بثوره وهيمشي بثوره

-أقترح النص التالي للأستفتاء: هل تؤيد من قتل أخوك وأبوك وأبنك ثم سحل جثته ورماها في الزبالة في الحكم أم لا

-” تعريف اينشتاين للغباء : هو فعل نفس الشئ مرتين بنفس الأسلوب مع توقع نتيجه مختلفه “

-بعد خطاب المشير أحب أقول انه احنا هنجبرك قريب على خطاب آخر تقول فيه : لم أكن أنتوي’’

-’’وحشتنى يا مباارك .. انت فين .. ما تيجى بقى ’’

-’’خطاب طنطاوى غير موجه للمتظاهرين فى الميادين .. الخطاب موجه للمنازل فقط ’’

- ’’قال يونيو قال .. المخلوع قال لسبتمبر ومكملش اسبوع بعديها ’’

- المشير أبى ان يعتبر بمن كان يحكم قبلة .. ليكون هو العبرة لمن يأتى بعدة

- الي المجلس العسكري | يبدو أنكم لم تتعلموا من أستاذكم المخلوع، باقى لكم بيانان علي رحيلكم و نحن هنا في الميدان لن نبرحه الا بمصر المدنية

تعليقات المشاهير:-

-علق الفنان عمرو واكد على الخطاب عبر موقع تويتر بالقول ” بعد سماع الخطبة نقدر نستشف الآتي: توقعوا هجوم بالفيلة غداً على ميدان التحرير في منتصف اليوم ” ، وذلك فى إشارة للخطاب العاطفى الذى ألقاه مبارك واستتبع بموقعة الجمل

-بلال فضل : المشير اختار خطاب التحدي.. وعلينا الاصرار على إنتخابات رئاسية فورا

-علقت نوارة نجم عبر تويتر: ” قال استفتاء على المجلس قال.. هو حد بيستفتي على قتله؟ طب نعمل استفتاء على اطلاق سراح القتلة والحرامية وهجامين البيوت ”

-
-أبو إسماعيل: خطاب المشير لا يلبي الحد الأدنى

-6 أبريل: نرفض «خطاب التخويف»