فتـــرة الخـــطوبه..

**¬» الإنتسَاب** : 13/07/2011

كل البنات في فترة الخطوبة بتبقى عندها شعور جميل جداااااا

اولا عشان بقى في حياتها انسان مسؤول عنها يحبها

يخاف عليها يسعدها ويفرحها

وتاني حاجة بتبقى حاسة ان كل طلباتها مجابة وهتتحقق

بتبقى فرحانة اوي ومبسوطة وبتحس انها ملكت الدنيا ومافيها

احساس الخطوبة جميل جدا ومفيش زيه احساس

بس تعالوا نشوف الحوار ده وبعدين نحكم

هو و هى مشيين على الكورنيش .. الجو حار .. الشمس محرقة

هي : عطشانة

هو : وأنا كمان

هي : يعنى ... عايزة اشرب !

هو : أكيد مادام عطشانة يبقى عايزة تشربي

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً

هو : منين ياحسرة .. ماانتى عارفة الكانز وغطاه

هي : ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى في مكان شاعري

هو : في الحر ده .. ماينفعش

هي : بلاش دى .. نأخد مركب عالكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده وغاسل الترمس؟؟

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي :يا سلام !! .. ماأنت كان معاك إمبارح

هو : إمبارح دخلت السينما مع بنت حلوة كده فالفلوس خلصت!!

هي : بنت حلوه ؟؟!! وبتقولها في وشى

هو : أكذب عليكى يعنى

هي : لأ .. تحرق دمى أحسن

هو : أنا مش شامم ريحه شياط يعني

هي : يخرب بيت البرود

هو : برود إيه ؟؟ ماهو الجو مولع أهو

هي : إنت اللي بارد

هو : بارد إزاى ؟؟ دا أنا بشُر عرق

هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك

هي : آآآآه .. طب أنا ماشية

هو : ليه يا حبيبتي ؟؟

هي : حبك برص

هو : والله البرص بيفهم عشان حبني

هي : بجد كده كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد!!!

هو : يعنى مصممة تمشى ؟؟

هي : أيوة وحالاً كمان

هو : طب استني لما نوصل آخر الشارع

هي : اشمعنى ؟؟

هو : أنا ساكن هناك انتي ناسيه .. و مايرضكيش أروح لوحدي

هي : لاااااااااااااااااا انا هرمي نفسي في الميه

هو : ينفع كده ترمي نفسك في الميه مين هايوصلنى

الســـؤال :

لو خطيبك كده هتعملي معاه ايه ؟؟

**¬» الإنتسَاب** : 18/02/2011

هههههههههههههههههههههههههههههههههههههههههه لا بجد حلو اوي الحوار داه بجد داه مستفز جدا

لو حصل معايا اساسا انا مش هطلب منه حاجه انا هروح اجيب لو هو مدفعش مش هتكلم هدفع عادي جدا بس لو هو بيعمل كدا ع طول بمعني تاني لو هو بخيل هسيبه لان من العيوب الي مش ببتغير ف الرجاله البخل وبيكون بخيل ف كل حااااااااااااااااااااااااااااااااااااااااااجه مش فلوس وبس

تسلمي يافوفو ع الموضوع الجميل داه