غدانا اليوم ملوخيه ودجاج حياكم

**¬» الإنتسَاب** : 18/05/2011

بسم الله الرحمن الرحيم
السلام عليكم ورحمه الله وبركاته
كيفكم يا احلى اعضاء
اليوم غدانا كان ملوخيه ودجاج ورز بشعريه قلت لازم انزله لعيونكم الحلوه
نبتدي باذن الله
دجاجه نسلقها في مويه معاها بصله صغيره -حبات هيل -فص مستكه -ورقه غار-رشه فلفل اسود
ملوخيه خضراء -ثوم -كسبره جافه مطحونه -ملعقه سمن
هنا مويه السلق وفيها البصل وباقي البهارات

نغسل الدجاجه كويس ونضيفها علي المويه بد ما تغلي

نسيبها علي النار حتي تنضج تماما ولا ننسي نظبط الملح طبعا
في الوقت ده نغسل الملوخيه كويس جدا جدا بعد ما نقطفها علشان بيكون فيها رمل وتراب
نغسل فيها لغايه ما المويه حق الغسيل تكون شفافه مافيها اي شيء

ونخرطها او نفرمها انا بخرطها يدوي بالمخرطه ما بحب اسويها في المولينكس

هنا لما خلصت تخريط فيها شوفوا كيف ناعمه ماشاء الله

بعد ما خلصنا تخريط الملوخيه والدجاجه استوت ناخد شويه شوربه من سلق الدجاجه ونحطها في قدر اللي هانسوي فيه الملوخيه علي النار

ونسيبها تسخن شويه علي النار لا تغلي وبعدين نضيف عليها الملوخيه

نقلب الملوخيه كويس ونسيبها تسخن مع الشوربه وتخد غلوتين بس ونطفي عليها

بعد ما نطفي عليها نحضر الثوم الفروم ناعم مع الكسبره الجافه ونحطها في طاوه مع ملعقه سمن علي النار

نقلب كويس جدا علشان الثوم لا يتحرق

نقلب فيها حتي يتحمر الثوم ويصير لونه ذهبي حلو مثل الصوره

بعد ما تتحمر الثوم نضيفه علي الملوخيه ونقلب ونغطيها شويه بس يمكن دقيقه

شوفوا كيف لونها اخضر وجميل ماشاء الله
وبعدين نغرفها

الدجاجه دخلتها الفرن تتحمر بعد ما دهنتها بسمن مع فلفل اسود وشويه ملح

وقدمت معاها رز مصري بشعريه وسويته بباقي شوربه الدجاج

وهنا السفره كامله مع مخلل اللفت اللي نزلته اليوم في قسم المقبلات

صوره كمان للملوخيه لوحدها

الطعم يا بنات اممممممممممممممممممممممممممممممممممممممممممممممممم مممم
يجنن ولا الريحه جايبه اخر الشارع ههههههههههههههههههههه
ان شاء الله عجبتكم طريقتي في الملوخيه
جربوها تري طعمها روووووووووووووووووووووووووووووعه
محبتي وتقديري واحترامي للجميع
في امان الله وحفظه ورعايته