الله اكبر ....... الله اكبر اذان الفجر فى اجمل مدينة فى الدنيا اكيد اسكندرية بلد غريبة ليها طابع خاص فيها كل حاجة مميزة حتى هواها على الرغم من الرطوبة فيه فى الشتاء لكنه مختلف بجد نجرى على منطقة عادية نقدر نقول متوسطة الحال وفى بيت فيه ريحة زمان فى الدور الثالث بلكونة بتتفتح وواقفة بطلتنا (سالى) بتبص على السما و بتستمع بالهوا وهى بتدعى ربنا بعد ما خلصت صلاتها مهى عادتها كده انها تدعى و هى باصة للسما وتحلص سولى زى ما اصاحبها بينادوها وتدخل الاوضة بتاعتها و تلاقى
...... "" الحلقه الاولى "" .......
دخلت سالى لاقت مامتها فى الاوضة (( سالى بنت وحيدة بابها وماتها ربوها على الاستقلاليه و الاعتماد على النفس بيجبوها جدا و بيعتبروها صاحبتهم بييثفوا فيها جدا فوق الوصف وهى قد الثقة دى )) الام ( سمية): صباح الفل يا سولى بحسبك لسه نايمة ((سمية ست بيت فضلت تهتم ببتها وبنتها على الشغل )) مضحية قوى الست دى سالى :- تجرى عليها و تبوسها صباح الفل على عيون ست الحبايب كلها انام ايه يا حجة بس انا قمت من بدرى اتوضيت وصليت و لبست كمان سمية: ربنا يتقبل منك يا حبيبتى هاه نزلة دلوقتى ولا ايه استنى نص ساعه كمان يكون النور طلع سالى: مهو انا هنزل مع البت الى تحت دى زماتها فى النومة المية على ما اصحيها نكون بقينا الظهر سمية: ههههههههه والله انتى مخلباها معاكى مش عارفة هى ليه مطوعاكى سالى: علشان انا بنت جدعة و بحافظ على لياقتى و هى صاحبتى ولازم تقف جنبى فاضل على البطولة كام شهر و انا لازم استعد كويس ولا عايزاهم يقولوا بنت سمية مش بتعرف تجرى كويس ده الجرى نص الجدعنة حتى يدحل بابا سالى (مصطفى ) (( مصطفى محاسب فى شركة كبيرة راجل محترم و اكتر ميزة فيه عقله بيقدر يوزن الامور صح قوى ويقرى الى قدامه جدا راجل شريف وطيب و حنين قوى واهم حاجة عندة سمية وسالى)) مصطفى: وهى بنت سمية بس ولا خلاص انا اتركنت على الرف سالى تبتسم لباباها وتجرى عليه: اوباااااا ده الكبير هيزعل مننا باين كده هو انا اقدر يا كبير ده انتى حبيبى من وانا قاااااااااااااااااااد كده مصطفى: بكاشة حضرتك طول عمرك سالى: هو انا اقدر برده ده انت الكبير يا كبير شقتوا بقى اهو انا اتاخرت نص ساعة كاملة اهو والهانم الى تحت لسه مش صحيت انا هنزلها سمية : طيب يا حبيبتى متتاخريش ساعة و ترجعى علشان تلحقى تروحى الكلية سالى : من ايديه يوه قصدى من عينيه يا ست الكل وتخرج و تبوس مامتها وبابها وتقفل الباب وتنزل جرى على الدور الى تحت و هنا شقة صاحبتها و حبيبتها رانيا (( رانيا قد سالى ومعاها فى نفس الكلية بنت حكاية مصيبة من مصايب الزمن بتموت فى اصحابها و جدعة جدا معاهم)) ترن ترن ترن ترن سالى هات يا خبط الباب يتفتح و تظهر رانيا وكانها خارجة من حفلة تنكرية كانت فيها متخفية فى زى ابلة نظيرة سالى:-خير الله ما اجعله خير حرام عليكى يا بنتى ايه الى بتعمليه فيه ده ذنيى انا ايه اشوف الخلقة دى على الصبح رانيا:- اعملك ايه يعنى لسه صاحية من النوم ادخلى استنى على ما البس واجيلك كان نفسى انام منك لله يا شيحة سالى: انتى بتقولى حاجة رانيا: ها هقول ايه هو انا اقدر بعد 10 دقايق كانوا البنتين على الكورنيش بيبتدوا اولى خطوات الجرى الى بتعشقه سالى و بقت بطله فيه و خلاص فاضل كام شهر و بطولة البحر المتوسط هتبدا و هى هتمثل مصر فيها رانيا: نفسى اعرف ذنب اهلى انا ايه فى كده حضرتك بطله و على عينى وراسى انا مالى عايزة انام و كمان مش عايزة اخس ارحمينى سالى:كده يا راتوش اهون عليكى برده تسيبنى لوحدى رانيا: اه ادخوليلى انتى بالبقين الحلوين دول ما انا عارفاكى مهو ممكن تتدربى فى النادى مش هدت حيل هى سالى: يا حبيبتى النادى مافيش مشكلة بس انا عايزة ابقى متميزة والكبير مش هيرضى انزل لوحدى فى الوقت ده يرضيكى يعنى رانيا: لا يااختى انا الى يتهد حيلى و قلبى يتقطع اجرى يا احتى اجرى بتبص رانيا قدامها و تصوت فى سالى
موضوع: رد: يوميــات / نسيت نفســي الجمعة 26 أبريل 2013, 11:12 am
اوك رورو هنزلك كم حلقة ورا بعض
نورتي بمرورك الجميل
الله يسلمك ان شاء الله
ஓ•(-•♥ƒØƒØ♥•-)•ஓ
مديره المنتدي
معلوماتاضافية
¬» الإنتسَاب : 13/07/2011
¬» العُمـّر : 29
¬» مُساهمَاتي : 11598
¬» الجنس :
¬» نُقاط تقيمِي : 62495
¬» السٌّمعَة : 64
¬» العَمَل/التِرفيَه : طالبـہ جامعـہ
¬» بلدي :
¬» بُرجي :
¬» مزآجي :
¬» آوسِمتي :
موضوع: رد: يوميــات / نسيت نفســي الجمعة 26 أبريل 2013, 11:21 am
*"$ نسيـــــت نفســـــي $"*
........ * الحلقــه التانـــيه * .........
رانيا بتبص قدامها لاقت ريم صاحبتهم جاى بتجرى هى و اخوها مروان ((ريم صاحبة سالى و رانيا الثالثة من زمان قوى من ايام المدرسة ومع بعض فى نفس الكلية بنت هايلة ومن عيلة غنيه جدا بس عمرها ما اتكبرت على صحابها )) ((مروان ظابط قد الدنيا بس قلبه طيب 28 سنة طويل و اسمرانى شوية وسيم واهم ما فيه رجولته بيعتبر نفسه المسؤل عن البنات وبيخاف عليهم جداااا )) رانيا بتبص لسالى : قادرة وقوية ومفترية كمان طيب انا و ماشى وحظى المنيل انى ساكنة معاكى فى نفس البيت ذنبهم ايه دول حرام عليكى من اخر الدنيا جيباهم سالى هتموت على نفسها من الضحك على رد فعل رانيا سالى: والله محساسنى انى مودياكى سجن ابو غريب ايه يا بنتى دى اسكندرية كلها قد كده كمان هو انا بعذبكم يعنى ما الناس اهى زى الفل بصى حواليكى هتلاقى ناس كتير كده رانيا: يا امى ده فى الصيف مش فى الجو الى احنا فيه ده .......... ده غير ان احنا ورانا كليه ومش اى كليه سالى: يا راتوش ده احلى جو دلوقتى فاضل بس شوية مطر و يبقى كله تمام رانيا: هو انا هخلص امشى امشى ولا امشى ليه اجرى اجرى ريم و مروان كان خلاص وصلوا قدامهم ريم:صباح الخير يا بنات مالكم بتتخانقوا من بعيد ليه سالى: صباح الفل يا ريمو ابدا صاحبتك يا ستى مش عاجبها انى منزلاكم كلكم تشجعونى مروان :ليه بس كده يا راتوش ده الجو تحفة واحنا لازم نحافظ على نفسنا مش علشان سولى بس يعنى الصحة اهم ويبص مروان لسالى و يغيظها سالى : بقى كده يا مارو يعنى محدش يعمل علشانى حاجة كله مصلحة يعنى مروان: بذمتك انتى فيه ظابط يتقالوا يا مارو يعنى لو حد سمعها هياخدوا كل نجومى ودبابيرى البنات كلهم : ههههههههههههههههههههههههههه وبدوا كلهم يجروا و طبعا مروان و سالى كان مسبقين اما رانيا و ريم فيجروا بعض و يجروا شوية و يقفوا شويتين تلاثة اربعه كده وكل ما سالى و مروان يبصوا عليهم يموتوا من الضحك على المنظر مروان: البنات هيموتوا منك يا ست البنات سالى: ههههههههههه خليهم يبقوا احسن بكره هشكرونى ....... وانتى مش هتبطل بقى ست البنات دى مروان: ليه بتضايقك قوى يعنى سالى: لا بس بتقكرنى بسببها و لو غير كده كانت تبقى عادى مروان: اولا انا بقولها فعلا علشان انتى ست البنات كلها ايه رائيك بقى سالى: هو انا هخلص منك ابدا يلا اتفضل كمل جرى ما انا اهو بعمل فيك جميل علشان تبقى عندك لياقة للقبض على المجرمين مروان: لياقة فى عينك انا عندى من قبل حتى ما يطلعلك سنان سالى: اه ده انت ناوى على غيظى بقى ههههههههههههههه فلاش باااااااااك مروان كان رايح ياخد ريم اخته من المدرسة وهى صغيرة لاقاها قاعده بتطبطب على بنت صاحبتها بتعيط بطريقة جامدة جدا مروان: مالكم يا بنات فيه ايه يا ريمو ريم: الواد الغلس سامح ده اتريق على سولى علشان بتقول انا اسمى ثانى مش بتعرف تقول اسمها كويس وبعدين هى كده الحروف ضايعة منها مروان يروح لسالى وينزل لمستواها ويمسح دمواعها مروان : هو زعلك قوى كده سالى:........................... مروان: متزعليش ده واحد وحش ده انتى ست البنات كلهم سالى: بجد انا كده مروان يتبسط ان كلمة صغيرة منه قدرت تهدى المارد الى كان بيعيط من شوية ده مروان: طبعا واى حد يقول غير كده يبقى مش بيفهم ماشى سالى مبسوطة قوى: ماشى انا ثت البنات نرجع تانى مروان: يلا يا بنات مدوا شوية علشان انا لازم ارجع هسيبكوا ريم: ايه ده بقى قوام كده مروان: عندى شغل يا حبيبتى لازم ارجع البيت اخد دش واغير هدومى و بقت البنات بتجرى جنب بعض سالى.........رانيا......... ريم ثلاثة بنات اصحاب بجد مالهمش غير بعض اسرارهم كلها مع بعض لكل واحدة فيها شكلها و شخصيتها بس مهما بعدت عنهم هتلاقيهم فى الاخر شبه بعض فى حاجة [color="rgb(0, 191, 255)"]سالى بنت جدعة صاحبة قرار بتعرف ازاى توزع اهتمامتها طويلة بيضه وشعرها بنى مموج بطريقة تحسدها على بنات كتير عنيها بنى بس اهم من جمالها جاذبيتها الى بتشد ناس كتير ليها رانيا اخف دم بتموت فى صحابها طيبة وحنينه ساعات بيحسوا انها امهم مش صاحبتهم قصيرة شوية سمرة خفيف وعينيها على اخضر جميلة بس طيبة قلبها مدياها جمال اكبر ريم على الرغم من انها بنت غنيه بس عمرها ما اتغرت على اصحابها بالعكس ديما بتعيش معاهم بطريقة بسيطة لذيذة قوى برده طيبة و جدعة بس اهم ما فيها روحها الحلوة بتعدى امور كتيرة و بتكبر دماغها قوى متوسطة الطول بيضة شوية بس مش زى سالى و شعرها اسود وملامحها هادية سالى : ها يا بنات تعتبوا تحبوا نرجع رانيا بتبص لسالى بنظرة : على اساس انك مجرجتيناش اسكندرية كلها ريم بتنهج قوى : على رائيك يا دوب دول كام كيلو بس سالى : ايه طيب لفوا وشكم الناحية التانيه و يلا نرجع ريم و رانيا فى نفس واحد : نــــــــــــــــــــــــــــــعــــــــــــــــــ ـــــــــــــــــــــم ريم : لا بجد انتى جبارة رانيا : هو انا لسه هستناكوا تاكــــــــــــــــسى ووقفت رانيا التاكسى وركبوا كلهم و سالى طبعا على عينيها مهى بقى جدعه والبنات تعبوا قوى فى التاكسى ريم: هعدى عليكم بعد قد ايه علشان نروح الكلية سالى: شوفى انتى يعنى كمان ساعه كده نكون بس غيرنا هدومنا مش هنلحق نفطر نبقى نروج نشرب النسكافيه فى الكافيه الى جنب الكلية ريم: لا يا اختى مش هروح معاكم ورايا حاجات تانيه سالى: على فكرة انتى غلسة بقالى اسبوع اهو مش بتيجى معانا ريم بنظرة مكر : ليه هو فيه حاجة انتى عايزانى اشوفها ولا حاجة رانيا بتبفوق من حالة الموت البطىء الى كانت فيه: اه ابو دراع ههههههه قصدى ابو نظارة سالى: تصدقى انك باردة اصلا مافيش حاجة من دى بس احنا متعودين نفطر مع بعض و الهانم دى بقالها اسبوع اهو مش بتفطر معانا ريم: خلاص يا حجة بالراحة هشوف واقولك رانيا: سولى يا حبيبتى سالى: نعم يا راتوش رانيا: فكرينى ابقى اقطع صلتى بيكى انا هموت يا امى ده انا 20 سنة و جالى الى جالى هما جريتين ثلاثة معاكى وهيجلك جواب شكر من كل الحنوتيه الى فى البلد ده انتى اسرع من المبيدات يا حبيبتى سالى ورانيا :ههههههههههههههههههه سالى: ماشى ياغلباوية يلا يا اختى وصلنا ريم: استنوااااااااااااااااا
. . . .
ஓ•(-•♥ƒØƒØ♥•-)•ஓ
مديره المنتدي
معلوماتاضافية
¬» الإنتسَاب : 13/07/2011
¬» العُمـّر : 29
¬» مُساهمَاتي : 11598
¬» الجنس :
¬» نُقاط تقيمِي : 62495
¬» السٌّمعَة : 64
¬» العَمَل/التِرفيَه : طالبـہ جامعـہ
¬» بلدي :
¬» بُرجي :
¬» مزآجي :
¬» آوسِمتي :
موضوع: رد: يوميــات / نسيت نفســي الجمعة 26 أبريل 2013, 11:23 am
* "$ نسيـــــت نفســـــي $"*
........ * الحلقــه الثالــثه * ........
ريم:استنواااااااااا
سالى ورانيا: خير فيه ايه؟؟
ريم: خالد بيتصل معرفش بيتصل بدرى كده ليه
سالى : طيب ما تردى يا بنتى وشوفى فيه ايه
ريم : الو..... ايوة يا خالد ازيك؟
خالد: ايوة يا ريم صباح الخير انا صحيتك بدرى
ريم : ابدا انا فى الشارع اصلا
خالد بعصبيه: بتعملى ايه دلوقتى؟
ريم: كنت مع سالى ورانيا بنجرى على البحر و مروان كان معانا بس سابنا علشان شغله
خالد: اه طيب ....معلهش كنت عايز منك حدمة
ريم: قول فيه ايه قلقتنى
خالد: ياسمين تعبانه شوية و انا مش قادرة انزل و اسيبها لوخدها وعندى شغل ضرورى و لازم اشوفه و يمكن اسافرله يومين القاهرة ..... فلو مش عندك حاجة مهمة تجيى تقعدى معاها انتى عارفة هى مش بترضى تقعد عند حد خالص
ريم: الف سلامة عليها لا طبعا مش ورايا حاجة عموما انا هقول لماما وبابا و نجيلك انا و ماما دلوقتى و هقنعهالك يا سيدى انها تيجى عندنا ما تقلقش لو مرضتش هقعد معاها انا و ماما
خالد: بجد مش عارف اقولك ايه انتى اجدع بنت فى الدنيا
ريم: متقولش حاجة انا هسيبك دلوقتى علشان اروح و اجيلك
خالد: ما شى يا ريمو خدى بالك من نفسك سلام
ريم : سلام
((خالد ابن عم ريم 26 سنة مهندس عصبى قوى بس قلبه ابيض شخصية محترمة ليه اخت واحدة ياسمين عندها 10 سنين باباهم مات من 4 سنين و ماماتهم بعد الوفاة باسبوع سابتهم وسافرت على لندن))
((ياسمين طفلة رائعه الجمال 10 سنين من وهى عندها 6 سنين مابقاش ليها غير خالد بتحبه بجنون و هو كمان محدش بياخد باله منها غيره و غير ريم باعتباها بنت كانها امها))
رانيا: ها فيه ايه كل ده
ريم:ياسمين تعبانه و خالد عنده شغل ولازم يسافر ومش هيعرف ياخدها معاه و مش هينفع طبعا يسيبها لوحدها
سالى: لا الف سلامة عليها البنت دى مش عارفة قلبى بيوجعنى عليها قوى ليه روجى انتى ليها و متقلقيش من الكلية هنظبتك هناك
ريم : اوك يا حبيبتى همشى انا بقى سلام و على تليفونات لو فيه حاجة
رانيا: سلام طمنينا عليها
سالى : هنحاول نجيلك لو هتاخديها فى البيت عندك ماشى
ريم: ماشى يلا سلام
طلعت سالى ورانيا على بيتهم
عند رانيا
رانيا: سلام عليكم يا عمر ...... يا عمر ........ انت لسه نايم
((عمر اخو رانيا الصغير 18 سنة فى سنة اولى كليه تجارة ولد زى العسل مؤدب و محترم قوى))
((ماما رانيا و عمر اتوفت و باباهم اتجوز واحدة تانيه وسابهم لوحدهم ويادوب بيصرف عليهم وبس))
عمر: راتوش صباح الخير على العيون الى لسه مستوتش دى
سالى: ادعيلى انت بس يا كبير و ربنا هيكرم باذن الله ........انا هدخل اخد دش علشا ن الكلية
سمية كعادة اى ام مصرية صميمة: ايه مش هتفطرى
سالى: معلهش يا حبيبتى مش هلجق هفطر مع رانيا فى الكلية
وتلبس سالى ورانيا ويتزلوا علشان يروحوا الكلية
رانيا: سولى هى المحاضرة الساعه 10.30 مش كده
سالى: اه تمام ...... لسه الساعه 9 ممكن نروح نشرب بسكافيه و نفطر فى الكافيترا بتاعتنا
(( سالى ورانيا و ريم اتفقوا من زمان ان كل مرحلة من عمرها يخلوا ليها مكان ديما يفكرهم بالمرحلة دى من اول ما دخلوا الكلية و هما ديما بيشربوا ويفطروا وساعات يخرجوا فى كافيتيرا قريبة من الكلية على البحر))
وهما رايحين بدات السما تنزل المطر و صوت الرعد بقى قوى جداااااا رانيا فتحت الشمسية بتاعتها و حاولت تاخد سالى معاها بس على مين سالى من وهى صغيرة بتموت فى الشتا و بتحب جدا تمشى تحته
رانيا: يا سولى بجد هتاحدى برد كده و انتى لابسة خفيف
سالى: راتوش ما تخافيش انتى عارفة انا بحب كده ده انا هموت فى سماعات دلوقتى و اجرى علىالبحر فى الجو ده
رانيا: والله انتى بتتعبى قلبى معاكى يلا مدى طيب بسرعه علشان اتبليتى على الاخر
ويوصلوا الكافيه وانا ما يدخلوا هناك يرحوا يقعدوا على الطربيزة بتاعتهم المعهودة و هناك يشوفواااااااااااااا
. . . . .
ஓ•(-•♥ƒØƒØ♥•-)•ஓ
مديره المنتدي
معلوماتاضافية
¬» الإنتسَاب : 13/07/2011
¬» العُمـّر : 29
¬» مُساهمَاتي : 11598
¬» الجنس :
¬» نُقاط تقيمِي : 62495
¬» السٌّمعَة : 64
¬» العَمَل/التِرفيَه : طالبـہ جامعـہ
¬» بلدي :
¬» بُرجي :
¬» مزآجي :
¬» آوسِمتي :
موضوع: رد: يوميــات / نسيت نفســي الجمعة 26 أبريل 2013, 11:27 am
* "$ نسيـــــت نفســـــي $"*
........ * الحلقــه الرابعــــه * ........
اول ما رانيا و سالى دخلوا الكافيه و قعدوا فى مكانهم لاقوا شاب داخل من الباب طويل وجسمه رياضى لبسه شيك قوى و يدل انه من مستوى اجتماعى عالى
رانيا: سولى صاحبك جه اهو 9.15 بالثانيه ولا بج بين يا اختى
سالى: واحنا مالنا هو فى حاله واحنا فى حالنا وكمان ايه صاحبك دى انا ماليش صحاب وانتى عارفة كده واحد وداخل كافيه عام هو داخل بيتنا
سالى: ما انتى بتقولى كده يا رانيا ده انسان عادى و عادى برده انه يجى الكافيه
رانيا: واشمعنا الكافيه ده الى بيجيه كل يوم
سالى: واشمعنا احنا بقالنا سنين اهو بنيجى هنا كل يوم
رانيا : ماشى انتى مش مقتنعه الشاب ده بيجى مخصوص علشانك انا هثبتلك ........ يا منى (( بنت شغاله فى الكافيه)) منى: صباح الخير يا دكاترة اخباركم ايه ..... ها زى كل يوم؟
سالى: صباح الخير يا منى اه نسكافيه و 2 كرواسون بالجبنه لو سمحتى
منى: من عينيه ثوانى و الطلبات تكون عندكم
وتروح منى تجيب الطلبات و تحطها على الترابيزة
رانيا:مرسى يا منى ...... بقولك ما تعرفيش مين الشاب ده الى قاعد لوحده عند الشباك
منى: والله يا دكتورة انا مش عارفاه بقاله اسبوع ولا 10 ايام كل يوم بيجى 9.15 كده بس مالهوش معاد فى المرواح يعنى ساعات يقعد ربع ساعه وساعات ساعه وممكن اكتر بس الى لاحظته انه بيجى وانتم موجودين ويمشى اول ما تمشوا على طول وديما باصص عليكم سالى: وانتى عرفتى من فين يا منى انه بيبص علينا ده ديما اهو لابس نظارة شمس مش مبينه اتجاه عينيه فين منى : من اتجاه وشه بيبان يا دكتورة
وتسيبهم منى و تشوف شغلها
رانيا: ازاى الحال بقى قلت انا حاجة من عندى حتى منى اهى لاجظت صدقتينى
تسكت سالى و تسرح
- يا ترى انت مين وهل فعلا انت قاصد وجودك هنا علشانى ؟؟؟ - مهو يمكن مش علشانى مهى رانيا معايا اهى كل يوم - بس انا كل ما ابصله يبتسم - عادى يعنى مش برده ليها معنى ايه يا سولى احنا كده هنبوظ الدنيا احنا مش فاصين للعب العيال ده ... ده شكله واحد مبسوط وبيتسلى واحنا ورانا حاجات كتيرة كلية و حياة قدامنا و تدريبات لازم تكمليها - انا مش عارفة انا بعاند مع رانيا فى انه مش قاصد بس احساسى بيقولى لا - حتى لو مش لازم الموضوع ده يكبر يا سولى كبرى دماغك رانيا: ياهوووووووو يا اخوانا عبرونا سالى: ايه رانيا بتقولى حاجة رانيا: لالالالالا ده انتى حكايتك حكاية سالى: رانيا لو سمحتى مش عايزة كلام بالطريقة دى رانبا: ليه بقى ان شاء الله ......ممكن افهم سالى: افهمك يا ستى انى اتكلم بالطريقة دى على الانسان ده مش حاجة طبيبعيه انا مش عايزة دماغى تتشغل بيه انتى عارفة الى ورايا شغل كليه و تدريب و بطولة و حاجات كتيرة و حياه انا بحاول ابنيها انا معرفهوش و معرفش عنه حاجة خالص ممكن يكون انسان مش مناسب ليه باى طريقة سواء علمية او عمليه او طريقة تفكيره و حياته ده على افتراض انه فعلا قاصدنى و حتى لو هو انسان مناسب من النواحى دى ممكن يكون مرتبط او متجوز ويبقى ساعتها انا الى كسرت قلبى بايديه واذا كان مش مرتبط تفتكرى واحد شاف واحدة فى كافيه و حب يتعرفوا على بعض حدود العلاقة الى مابينهم هتوصل لفين ؟ عمره ما هيكون ناوى على حاجة جد وانتى عارفة انا مش بتاعت الحاجات دى ده غير ان اهلى تعبوا قوى فى تربيتى وادونى ثقة بعمل كل حاجة اقدر عليها علشان اكون قد الثقة دى قلبى غالى قوى يا رانيا انا مش عايزة اديه لحد ميستهلوش رانيا: ياااااه يا سولى كل ده جواكى يا حبيبتى والله ما عارفة اقولك ايه انا عارفة انك معاكى كل الحق فى اى كلمه بتقوليها متزعليش منى بجد انا عمرى ما اقصد انى اجرح قلبك سالى: انتى بتقولى ايه يا راتوش ده انتى اختى الى ربنا عوضنى بيها عن وحدتى طول عمرى هو انا ليه مين غيرك انتى وريم ربنا يخليكم ليه يارب رانيا: ربنا يجمعنا ديما يا حبيبتى و مش يفرقنا ابدااا ونفضل ديما مع بعض و تمد ايديها تطبطب على ايد سالى ايه ده انتى سخنة ولا ايه وتمسك دماغها سالى: ولا سخنة ولا حاجة ممكن شوية برد و بس رانيا : برد ايه بس اتفضلى يلا قدامى روحى على البيت علشان تغيرى هدومك انا قلت هتاخدى برد و انا هحضر المحاضرة و اجيبلك تلخصيها سالى: يا بنتى الموضوع مش مستاهل دى محاضرة واحدة و نروح على طول تبصلها رانيا بنظرة مافيهاش اى نوع من انواع التنازل على الراى سالى: خلاص بلاش البصة الفظيعه دى هتموتبنى رانيا: اتفضلى يلا قدامى و هركب تاكسى للبيت واروح انا على المحاضرة ويقوموا البنات ويخرجوا من الكافيه و تحاول رانيا تشوف تاكسى لسالى الى فعلا حست انها بدات تتعب جامد علشان كده مش اعترضت على رانيا و شوية ويخرج من الباب الشخص الغامض ده ويقرب منهم و سالى فاضلها ثوانى ويغمى عليها من التعب والتعب الاكبر التوتر الى هى حاسة بيه لما قرب منها و يعدى من جنبهم و يقف لثوانى جنب سالى و يمشى تانى كانه كان هيقول حاجة و رجع فى كلامه تانى رانيا (( فى عقلها )) تصدق انك بجد مش هتجيبها لبره شكله معجب بيكى بجد يا سالى بس مش هيهون عليه انى اعلقك بحد منعرفهوش يارب اكتبلها الى فيه الخير دى وحيدة و ماتستهالش التعب رانيا: تاكسى ال........... يلا يا حيبتى اركبى و هخلص المحاضرة و اجيلك جرى سالى تركب : ماشى يا حبيبتى خدى بالك من نفسك سلام رانيا: سلام
ونروح فى حتة تانيه عند صاحبتنا الثالثة ريمو طبعا اكيد عرفتوها ونشوف وصلت لايه
ريم : مامى ............يا مامى انتى فين ؟ ليلى: انا هنا يا حبيبتى فى التراس مالك فيه ايه ريم: خالد كلمنى و ياسو تعبانه شوية و عايزنا نقعد معاها نبيل (( بابا ريم)) : مالها ياسمين الف سلامة عليها ريم : والله ما عارفة يا باباى ملحقتش افهم منه ليلى: طب يلى البسى بسرعه علشان نروح لها انا وانتى و نجيبها على هنا نرعاه اكتر خالد مش هيعرف برده ريم : اه يا مامى اصلا خالد لازم يسافر نبيل : انا هجى معاكم البسوا بسرعه ليلى: خليك انت يا نبيل عندك اجتماع مهم هروح انا وريم نبيل: ده بنت المرحوم يا ليلى مقدرش اتاخر عنها كفاية يا حبيبتى الى بيحصلها و حصلها من وهى صغيرة
وفعلا يروح نبيل وليلى وريم للشقه عند خالد
خالد: عمى اهلا و سهلا اتفضل .. ازيك يا طنط .....ازيك يا ريمو نبيل : ازيك يا خالد مالها ياسمين خالد: والله يا عمى صدرها و ضيق التنفس ماسكينها قوى من امبارح و مخنوقة بركب لها ديما نفس ليلى: وماقولتش ليه من امبارح يا باشمهندس كده برده خالد: والله ما رضيت اتعبكم يا طنط و حضرتك عارفة الازمة دى ياسمين ملازمها من صغرها ريم: ايوة يا خالد بس برده لازم حد معاك يبقى جنبها مش معقول تراعيها لوحدك لو جتلها الازمة لاقدر الله و انت مش معاها ولا نايم من التعب و محدش لاحقها مش كويس عليها خالد: والله يا جماعه انا تعبت فعلا مش عارفة اعمل ايه بحاول على قد ما اقدر ما اقصرش فى حقها و الخدامين اهم معاها بس برده مينفعش بفكر اجيبلها ممرضة مقيمة تراعيها نبيل: مهما كان يا خالد مينفعش برده انا هاخد ياسمين عندى واهى مرات عمك وريم يبقوا موجودين وممكن برده نجيب ممرضة و الاحسن انك انت كمان تيجى تقعد معانا الفيلا كبيرة و ممكن تاخد جناح انت وياسمين و كل واحد فيكم ليه اوضته برده خالد: مقدرش يا عمى اسيب بيت بابا ده كل ركن هنا بيفكرنى بيه ريم : سيبهولى انا يا باباى انا هعرف اقنعه ..... بس تعالوا الاول نشوف ياسو
يوميــات / نسيت نفســي 
