موضوع: رسايل خليجية رمانسية جدا تشبة الاشعار 2012 السبت 25 أغسطس 2012, 9:56 am
جمعتلكم مجموعة رسايل خليجية تشبة الاشعار ورمانسية جدا
محد يشق القلب من غير تفكير حتى الدكاترة ترتجف ثم تحتار الحب يشق الجوف من دون تخدير ويبني قصور بداخل القلب وانهار هذي حقيقة قلتها بصدق وتعبير وأرسلتها للي حافظن كل الأسرار
غالي بقلبي مثل ذاك القمر فوق واسقيك من عذب المشاعر وازيدك هذا قليل من الغلا جاك منطوق والا بقلبي يعلم الله رصيدك إن جيت وان ما جيت باقي لك الشوق والقلب مثل ماهو على حطة يدينك
ما كل عين تذرف الدمع بأحزان وما كل من يضحك يعيش بسعاده كم واحد دمعة على الخد هتان من زود همه يذرف الدمع عاده يحاول انه يبتسم قدر الامكان ويضحك ونار الحزن تحرق فؤاده
كل الهموم وكل ما كنت اعانيه تروح لحظة ما اتذكر طيبك في غيبتك قلبي فقد من يسليه من كثر حبك حلف ما يخونك في غيبتك قلبي تحطم أمانيه كرهت أنا العالم وحبيت كونك في داخلي إحساس أجهل معانيه بس الأكيد كل المشاعر يبونك
اشتقت لأيامك وجيت أنشد الوقت وين ****** وضحكته وأمسياته ليته يوسع خاطري لا تضايقت مثل الكفيف ان قربوا له عصاته ماهو زعل لا شفت وجهه ودنقت العين تخفي في نظرها غلاته
سر يا قلم واكتب عظيم اشتياقي للي لهم بمجلس الطيب مجلاس قدرك على راسي سوات الشماغي بالطيب مانلقا شبيهك مع الناس انت العطر دايم على الجو طاغي وغيرك حطب دخانهم يوجع الراس
ليتك يا ريف النشاما لنا جار يوم اجيك ويم مثله تجيني وليت المسافة بيني وبينك جدار والباب بنص البيت بينك وبيني حيثك عزيز ولك مع العز مقدار وايضا تساوي بالغلا مثل عيني
لولا اختلاف أذواق وأذواق وأذواق ما شفت أجمل من جرحني غيابه يا أعذب وأرق من الندى عند الاشراق وألطف من النسناس لا سرج ركابه تدري وش اللي محرق قلبي احراق انك بعيد وحزن الأيام غابه
يوم ما تنشد عن أحوالي أقضي الساعات مهموم غيرك مالنا غالي واهتمامي فيك ملزوم افرح بهاتفك ليا جاني جايب لي منك العلوم أو مسج يخطر لك في بالي ترسله لو كنت مزحوم محدن في ذا الزمن خالي كلن يقاس ومهموم
بحق الحب سيري يا حمامه لطيف الروح هاتيلي سلامه وودي له تحيات المودة على الطايروهاتيلي كلامه وقولي له ترى هجره سطا بي وفي قلبي من الهجران شامه
لا كتبت اسمك تزين لي الحروف ولا نطقته صار في لساني حلا صدق أنا أحبك ولكن فيني خوف خوف نتفارق بعد ذاك الغلا لا تقابلنا يسكنا الكسوف ضاعت الكلمات مني يا غلا كانت الكلمات في لساني ألوف ويوم شفتك ما ذكرت إلا هلا
افرح إذا شفت الفرح في محياك وتضيق بي الدنيا إذا شان بالك أعطيك عمري يا عسى من فداياك وش هي حياتي ما تساوي رضالك جعل الولي يا صاحبي دوم يرعاك وجعل الفرح في كل الأيام فالك
يا سائلة عني من القلب لبييييييه صوت عزيز وغصب عنا نلبيييك تشبهين القمر لا شك نغليك ونفتح لك أبواب الخفوق ونحييك أشري رضى من يشتريني وأراضيه وأقول له بالروح والعين نشريك..
ما يصير أنساك لالا ما يصير وفي خفوقي لك معزة وأحترام قبلك الدنيا مثل حلم صغير وعقبك الدنيا غرام في غرام أنت مثل النور في عين الضرير لا لمحتك ما بقى حولي ظلام فيك عمري ..فيك روحي والمصير فيك كل أيام عمري والسلام
حب يغيب وصاحبه ما بعد غاب وحب يدوم وصاحبه في غيابه وحب يذوب خافقً ما بعد ذاب وحب يداوي صاحبه من عذابه وحب حياته كلها لوم وعتاب وحب حقيقي ما يضرك عتابه وحب بلا معنى وحب بلاأسباب يبدأ غريب وينتهي في غرابه
ஓ•(-•♥ƒØƒØ♥•-)•ஓ
مديره المنتدي
معلوماتاضافية
¬» الإنتسَاب : 13/07/2011
¬» العُمـّر : 29
¬» مُساهمَاتي : 11598
¬» الجنس :
¬» نُقاط تقيمِي : 62485
¬» السٌّمعَة : 64
¬» العَمَل/التِرفيَه : طالبـہ جامعـہ
¬» بلدي :
¬» بُرجي :
¬» مزآجي :
¬» آوسِمتي :
موضوع: رد: رسايل خليجية رمانسية جدا تشبة الاشعار 2012 السبت 25 أغسطس 2012, 10:54 am
ما يصير أنساك لالا ما يصير وفي خفوقي لك معزة وأحترام قبلك الدنيا مثل حلم صغير وعقبك الدنيا غرام في غرام أنت مثل النور في عين الضرير لا لمحتك ما بقى حولي ظلام فيك عمري ..فيك روحي والمصير فيك كل أيام عمري والسلام
:ووووواو: جمـــيل جــدا ام تـــي
سلــمت يـداك و سـلمت لـنا
ضحيه قلم
عضو جديد
معلوماتاضافية
¬» الإنتسَاب : 23/08/2012
¬» العُمـّر : 42
¬» مُساهمَاتي : 21
¬» الجنس :
¬» نُقاط تقيمِي : 44769
¬» السٌّمعَة : 50
¬» بلدي :
¬» بُرجي :
¬» مزآجي :
¬» آوسِمتي :
موضوع: رد: رسايل خليجية رمانسية جدا تشبة الاشعار 2012 الثلاثاء 28 أغسطس 2012, 1:42 pm
رسايل خليجية رمانسية جدا تشبة الاشعار 2012
